اسلام آباد (پاکستان پوائنٹ نیوز 02 -اگست2016 ء) صدر ممنون حسين چيو آهي ته پاڪستان ۽ رومانيا جا لاڳاپا گڏيل احترام تي ٻڌل آهن ۽ ٻنهي ملڪن جي خيالن ۾ ڪيترن ئي عالمي معاملن تي هڪجهڙائي آهي. هن اها ڳالهه رومانيا جي عهدو ڇڏيندڙ سفير ايملين آئن سان ڪالهه اڱاري ڏينهن ملاقات دوران چئي. صدر چيو ته پاڪستان يورپي يونين جي ڏس ۾ رومانيا سان لاڳاپن کي تمام گهڻي اهميت ڏي ٿو. هن چيو ته ٻنهي ملڪن جي وچ ۾ اعليٰ سطحي وفدن جي گڏيل مٽاسٽا جي وڌيڪ ضرورت آهي ته جيئن موجوده لاڳاپن کي اڳيان وڌائي سگهجي. هن چيو ته موجوده واپاري ڪاٿو صلاحيت کان گهٽ آهي جنهن ۾ اضافو ڪري سگهجي ٿو. صدر ٻنهي ملڪن جي لاڳاپن جي بهتري ۽ اضافي ۾ ڪوششون ڪرڻ تي رومانيا جي سفير جي ڪردار کي ساراهيو. رومانيا جي عهدو ڇڏيندڙ سفير پنهنجي قيام دوران تعاون تي پاڪستان حڪومت جا ٿورا مڃيا. صدر اميد ظاهر ڪئي ته سفير رومانيا وڃي پاڪ رومانيا لاڳاپن جي وڌيڪ بهتري جي لاءِ پڻ ان ئي جذبي سان ڪم ڪندو رهندو.
پاڪستان ۽ رومانيا جا لاڳاپا گڏيل احترام تي ٻڌل آهن: صدر ممنون حسين
8 سال پھريان
