اسلام آباد هاءِ ڪورٽ ۾ عورت جج جي مقرري جي حوالي سان بل قومي اسيمبلي ۾ پيش

اسلام آباد (پاکستان پوائنٹ نیوز 02 -اگست2016 ء) اسلام آباد هاءِ ڪورٽ ۾ عورت جج جي مقرري جي حوالي سان بل قومي اسيمبلي ۾ پيش ڪيو ويو جڏهن ته وفاقي وزير زاهد حامد چيو ته سپريم ڪورٽ ۾ عورت جج جي مقرري جي بل کي قانون واري وزارت رد ڪري ڇڏيو آهي، عورتن جي بطور جج مقرري تي ڪابه بندش نه آهي، اڱاري ڏينهن قومي اسيمبلي جي اجلاس ۾ ڊاڪٽر نگهت شڪيل رٿ پيش ڪئي ته اسلام آباد هاءِ ڪورٽ (ترميمي) بل 2016ع پيش ڪرڻ جي اجازت ڏني وڃي، بل آڻڻ جو مقصد اسلام آباد هاءِ ڪورٽ ۾ عورت جج جي مقرري آهي، قانون واري وزير زاهد حامد چيو ته سپريم ڪورٽ ۾ به عورت جج جي مقرري جي حوالي سان هڪ بل پيش ٿي چڪو آهي، پر قانون واري ڊويزن ان کي رد ڪري ڇڏيو آهي، عورتن جي جج طور مقرري تي ڪا پابندينه آهي ۽ تنهن هوندي به هن بل جي مخالفت نه ڪئي ۽ ايوان مان رٿ جي منظوري کانپوءِ ڊاڪٽر نگهت شڪيل بل ايوان ۾ پيش ڪيو.