اسلام آباد (پاکستان پوائنٹ نیوز۔ یکم اگست۔2016ء) پاڪستان تحريڪ انصاف جي ڊاڪٽر عارف علوي چيو آهي ته والاريل ڪشمير ۾ جاري آزادي جي جدوجهد نج مقامي آهي، پارلياماني ڪشمير ڪميٽي دنيا جي وڏن ملڪن جي گادي وارن شهرن ۾ ڪشمير مسئلي کي اجاگر ڪرڻ جي لاءِ سرگرميون شروع ڪري. ڪالهه سومر ڏينهن قومي اسيمبلي ۾ والاريل ڪشمير جي تازي صورتحال تي التوا واري رٿ تي بحث ۾ حصو وٺندي ڊاڪٽر عارف علوي چيو ته ڪشمير ڪميٽي ڪم ضرور ڪيو آهي اهو اسان جي اميدن ۽ ڪشمير جي ضرورتن جي لاءِ ڪمزور ثابت ٿيو آهي. هن چيو ته هر احتجاج ۾ پاڪستان جو جهنڊو سربلند ٿيڻ جو مطلب اهو آهي ته هو پاڪستان طرف ڏسي رهيا آهن، گليلن سان پٿر هنيا پيا وڃن ۽ پيلٽ گنز وسايا پيا وڃن. هن چيو ته والاريل ڪشمير ۾ آزادي جي جيڪا تحريڪ شروع آهي ان ۾ پاڪستان يا ٻاهرئين دنيا جو ڪو هٿ نه آهي.
والاريل ڪشمير ۾ جاري آزادي جي جدوجهد نج مقامي آهي: ڊاڪٽر عارف علوي
8 سال پھريان
