پاڪ چين اقتصادي لنگهه جي اولهندي روٽ تي اڳڀرائي بابت رپورٽ اسٽينڊنگ ڪميٽي جي ايندڙ اجلاس ۾ پيش ڪئي ويندي

اسلام آباد (پاکستان نیوز پوائنٹ 25فروری2016ء) پاڪ چين اقتصادي لنگهه جي اولهندي روٽ تي اڳڀرائي بابت رپورٽ قومي اسيمبلي جي منصوبابندي ۽ ترقي بابت اسٽينڊنگ ڪميٽي جي ايندڙ اجلاس ۾ پيش ڪئي ويندي. ڪميٽي جو اجلاس سڀاڻي سومر تي پارليامينٽ هائوس ۾ ٿيندو جنهن جي صدارت ڪميٽي جو چيئرمين عبدالمجيد خان خانان خيل ڪندو، اجلاس ۾ منصوبابندي ۽ ترقي واري وزارت جي ايندڙ مالي سال 18 – 2017ع جي سرڪاري شعبي جي ترقياتي پروگرام جي تجويزن جي توثيق ڪئي ويندي. اجلاس ۾ سي پيڪ تحت ريلوي جي اپ گريڊيشن تي اڳڀرائي جو پڻ جائزو ورتو ويندو. اجلاس ۾ شهرن ۾ آبادي ۾ تيز رفتار اضافي سبب جي ٽي روڊ جي توسيع، مرمت جو جائزو پڻ ورتو ويندو.