اليڪشن ڪميشن پاران سنڌ جي مختلف ضلعن ۾ مخصوص سيٽن تي اميدوارن جي ڪاميابي جو نوٽيفڪيشن جاري

اسلام آباد (پاکستان پوائنٹ نیوز۔30 جولائی۔2016) اليڪشن ڪميشن سنڌ جي مختلف ضلعن ۾ عورتن، پورهيتن، غيرمسلمان ۽ نوجوانن جي لاءِ بلدياتي ادارن ۾ مخصوص سيٽن تي اميدوارن جي ڪاميابي جو نوٽيفڪيشن جاري ڪري ڇڏيو آهي. اليڪشن ڪميشن پاران ڪالهه ڇنڇر ڏينهن جاري ڪيل نوٽيفڪيشن موجب بلدياتي چونڊن ۾ سنڌ جي مختلف ضلعن ۾ ڊسٽرڪٽ ڪائونسل، ميونسپل ڪميٽين، ٽائون ڪميٽين، ميونسپل ڪارپوريشنن، ڊسٽرڪٽ ميونسپل ڪارپوريشنن ۽ ميٽرو پوليٽن ڪارپوريشنن ۾ عورتن، پورهيتن، غيرمسلمانن ۽ نوجوانن جي لاءِ مخصوص سيٽن تي بلدياتي چونڊن ۾ سياسي پارٽين جي ڪاميابي جي حساب سان انهن جي فراهم ڪيل ترجيحي فهرستن مان ڪامياب ٿيندڙ اميدوارن جي نالن جو اعلان ڪري ڇڏيو آهي. اليڪشن ڪميشن پاران بدين، دادو، گهوٽڪي، حيدرآباد، جيڪب آباد، ڄامشورو، قمبر شهدادڪوٽ، ڪراچي، ڪشمور، خيرپور، ڪورنگي، لاڙڪاڻو، ملير، مٽياري، ميرپورخاص ۽ نوشهرو فيروز مان ڪامياب اميدوارن جو نوٽيفڪيشن جاري ڪيو ويو آهي. اي پي پي/ع – ک/ش – چ 16:55