گاجر دا جوس معدے ،چھاتی دے کینسر، لیوکیمیا ، ساہ اتے پھیپھڑاں دیاں بیماریاں توں بچنڑ کیتے چنگاں اے،طبی ماہرین

واشنگٹن (پاکستان نیوزپوائنٹ 17فروری2018ء) امریکی ماہرین صحت اتے غذائیت آکھے جو گاجر غذائی اجزا دی ہک وڈی نعمت اے جیندے نال معدے ،چھاتی دے کینسر، لیوکیمیا ، ساہ اتے پھیپھڑاں دیاں بیماریاں توں بچیا ونج سگدے۔ہاورڈ یونیورسٹی دے شعبہ صحت دے ماہرین دی جدید تحقیق آہدی اے جو گاجر غذائی اعتبار نال مہانگے پھلاں دے برابر اے، ایندا جوس بنھاں پھلاں نال رل تے ذائقہ اتے غذائیت ودھا ڈیندے۔

ہک کپ گاجر دے جوس اچ 94 کلوکیلوریز غذائیت ہوندی ہے ،جیندے اچ 2.24 گرام پروٹین، 0.35 گرام چکنائی، 21.90 گرام کاربوہائیڈریٹس، 1.90 گرام فائبر، 689 ملی گرام پوٹاشیم، 20 ملی گرام وٹامن سی، 0.217 ملی گرام تھایامین، 0.512 ملی گرام وٹامن بی 6، 2,256 مائیکروگرام وٹامن اے، 36.6 مائیکروگرام وٹامن دے علاوہ بئے اجزاءوی پاتے ویندن۔ماہرین دے مطابق گاجر اینٹی آکسیڈنٹس نال بھرپور ہوونڑ پاروں کئی بیماریاں دی مدافعت اے۔