اسلام آباد (پاکستان نیوز پوائنٹ 12جنوری2016ء) وزیر اعظم محمد نواز شریف وئيلي دي جغرافیائی نزدې والي په سوب پاکستان او اومان فطری اتحادی دي ، کراچۍ ، ګوادر او مسقط ترمينځه د فیری سروس پيل كولو تجویز ښھ ګام دے ، فیری سروس سره به د دواړه هيوادونو ترمينځه د ملګرتيا يو نوې دور پيل شي۔ ده دا خبره د اومان سټيټ کونسل صدر ډاکټر یحییٰ محفوظ سلیم سره خبرو كښې وكړه چا چې پلاوي سره د زيارت په ورځ په وزیراعظم هاؤس كښې ده سره ملاقات وكړو۔
وزیر اعظم ووئيل د پاکستان حکومت ، اولس او قیادت د سلطان قابوس بن سید السید او د اومان د اولس احترام کوي۔ده د سلطان قابوس او اومان اولس لپاره د پاکستاني اولس او حکومت لخوا د نيكو هيلو پيغام وركړو۔ ده ووئيل پاکستان په خاص توګه د توان په اړه پروژو او بنیادی ډھانچې څانګو كښې د اومان لخوا پاکستان كښی د سرمایه کارۍ هركلې كوي۔ ده ووئيل زمونږ د سرمایه کارۍ پالیسۍ څخه نيغ په نيغه د سرمایه کارۍ لپاره ټولو څانګو كښې ښه چاپيرچل پيدا شوے او د غیر ملکی او ځاي سرمايه كارو سره به يو ډول سلوك باوري كولې شي۔
وزیر اعظم په اولسي كچه په رابطو خبره كولو سره ووئيل اومان كښې بيلو څانګو كښې د پاکستانی ورورولۍ مناسب شميره موجود ده او پاکستان میډېسن، انجینئرنګ ، انفارمېشن ټیکنالوجی، اکاؤنټېنسی ، تعلیم او تکنیکی ورکرز پشمول بيلو څانګو كښې هنر مند او پیشه ور افرادی قوت وركولې شي۔ ده ووئيل دواړه هيوادونه د تعلیم ، سائنس او ټیکنالوجی څانګه كښې د يو بل پوهې څخه هم استفاده كولې شي۔
د اومان پلاوي كښې د تعلیم او تحقیق کمېټۍ غړې شیخ حامد محمد عبداللہ المخینی ، د کلچر میډیا اینډ ټوررزم کمېټۍ غړې محمد احمد علی الرواس، د اقتصادی کمېټۍ غړې ډاکټر احمد سلیمان صالح ، د سماجی کمېټۍ دوهم چیئرمېن وفا سالم علی الحراثی او د سماجی کمېټۍ غړي ډاکټر عائشه احمد یوسف شامل وو۔ د ملاقات په مهال د سېنېټ چیئرمېن میا رضاربانی، سناتور تاج حیدر او نور چارواكي هم موجود وو۔(ص ف/وا/ګ ل/1435