اسلام آباد (پاکستان نیوز پوائنٹ 12نومبر2016ء) د ورلډ مينارټيز الائنس كنوينئر او د عوامي مسيحا ګوند آرګنائزر جے سالک مقبوضه كشمير كښې په بېګناه كشميري وګړو د هندي زور او زياتي او د بشري حقونو خلاف ورزيو په ضد د خالي په ورځ د نېشنل پرېس كلب اسلام آباد مخې ته احتجاجي مظاهره وكړه۔ په دې مهال ده په سر كښې خاورې اچولو سره كشمير كښې د روان زور ٬ ظلم او زياتي په ضد تر شپږ ساعتونو احتجاج وكړو۔
احتجاج كښې ګډون كوؤنكو پاپائے اعظم، بشپ آف کنټربری او د خانه کعبې امام په شمول ټولو سټېک هولډرز څخه غوښتنه وكړه چې هغوي دې د كشمير پخوانۍ مسئله حل كولو له خپل كردار ترسره كړي او په كشميري اولس دې د ظلم ٬ زور او زياتي روانه لړۍ بندولو له په ملګرو ملتونو فشار واچوي۔ جے سالك په دې مهال خپل خبرو كښې ووئيل هند كښې د تاريخ تر ټولو اوږده كرفيو نافذ ده۔
128 ورځې شوي دي او دا په بې ګناه اولس د ظلم او زياتي انتها ده۔ ده ووئيل هند له به په كشمير كښې د ظلم لړۍ ختمول وي دغسې چې كشمير كښې بدامني ختمه شي۔ احتجاج كښې د حريت لارښود ياسين ملك كورودانې مسز مشعال ملك هم ګډون وكړو۔ دې ووئيل تر دې دمه د كرفيو په مهال 160 نه زيات كسان شهيد شوي دي۔ دې ووئيل كشميري اولس ستونزو سره مخ دے۔ دې ټولو مجاز ادارو څخه غوښتنه وكړه چې كشمير كښې كرفيو فوري ختمولو او كشميري اولس ته د دوئي د خپلواكۍ حق وركولو له ګامونه پورته كړي۔
