اسلام آباد(پاکستان نیوز پوائنٹ 7نومبر2016ء) منصوبه بندۍ٬پرمختګ او اصلاحاتو وفاقي وزير احسن اقبال وئېلي دي چې د خېبرپښتونخوا حكومت دې د پاكستان او چين د اقتصادي لارې پروژه سياسي مقاصدو لپاره استعمال نه كړي٬بهرنې سرمايه كاري د عدالتي كاروائۍ څخه نه شي ترلاسه كېدے٬ځينې ګوندونه په ستره محكمه خپلې رائې تپل غواړي٬ 620 كلوميټره اوږده د كوئټې ګوادر لويه لار د ټاكل شوې مودې نه وړاندې ترسره كړی شوې٬په لوېديز روټ دوهمه لويه لار به د ډېره اسماعيل خان نه تر برهان په كال 2018م كښې ترسره كړې شي٬اولس په دې متفق دے چې بايد اوسنې حكومت خپله آئيني موده پوره كړي٬ د حساب ورځ به په 2018 كښې يوازې د بېلټ د لارې كېږي٬د سياسي پنډتانو پېشن ګوئۍ نه وړاندې رښتيا ثابتې شوې دي او نه به اوس ثابتې شي۔
ده دا خبرې د ګل په ورځ په ايكسپو سنټر كښې د يونيورسټي منيجمنټ اينډ ټېكنالوجي تر سيوري لاندې دوه ورځني نړيوال بزنس كنفرنس ته د وېنا او خبريالانو سره د خبرو كولو په مهال وكړې۔ وفاقي وزير د يوې پوښتنې په ځواب كښې ووئيل چې د خېبرپښتونخوا حكومت دې د پاكستان او چين د اقتصادي لارې پروژه سياسي مقاصدو لپاره استعمال نه كړي٬بهرنې سرمايه كاري د عدالتي كاروائۍ څخه نه شي ترلاسه كېدے۔
د سي پیك پھ اړه د خېبرپښتونخوا د عدالتي اقدام څخه مونږ پرېشانه نه يو۔ هغه د خپل ځان او د پاكستان د تشخص خرابولو هڅې كوي۔ د سي پیك په اړه يوه نيمه مياشت وړاندې په غونډو كښې د خېبرپښتونخوا وزيراعلٰی پروېز خټك په بشپړه توګه مطمئن و اوس ناڅاپي څه وشول۔ ده ووئيل چې د تحريك انصاف سياست بدل شوې٬د پاكستان ګټې نه دي بدلې شوې۔ د يوې پوښتنې په ځواب كښې ده ووئيل چې د كوئټې نه تر ګوادر لويه لار د ټاكل شوي مودې نه دوه مياشتې وړاندې ترسره كړی شوې٬ د دې به د افغانستان او د مينځنۍ آسيا هېوادونو پشمول د ټولې منطقې هېوادونو ته ګټھ ورسي۔ ده ووئيل چې حكومت د لوېديز روټ په اړه چې كوم لوظونه كړي هغه به پوره كوي۔