اسلام آباد (پاکستان نیوز پوائنٹ 2 نومبر2016ء) وزیراعظم محمد نواز شریف په دې خبرې د اطمينان څرګندونه كړې چې د پانامه پېپرز معامله به سترې محكمه كښې د آئين او قانون تر مخه هواره شي ٬ د پاکستان اولس مننه كوم چا چې په سړكونو احتجاج رد كړے ٬ د تشكر ورځ لمانځونكو له ډېره وړاندې ورځ لمانځل پكار ٶه ٬ د وړمبۍ ورځې نه زمونږ درېځ واضح ٶ۔ وزيراعظم دا خبره د شورو په ورځ د وفاقي كابينې غونډې مشرۍ په مهال كړې۔
وزیراعظم ووئيل تر ټولو زياته د اطمينان خبره دا ده چې پانامه پېپرز معامله به په ستره محكمه كښې هواره شي۔ ده ووئيل ما پرله پسې دا هڅه كوله او ٬ خپله مې سترې محكمې ته د كمېسون جووړولو خواست كړے ٬ يوه پارلماني كميټي هم جوړه كړې شوې وه خو زمونږ دا هڅه ناكامه شوې۔ وزیراعظم ووئيل د احتجاج كوٶنكو مقصد دا ؤ چې دا مسله په سړكونو رامخې ته كړي ٬ د لوي څښتن كرم دے چې دا معامله سترې محكمې ته راغله چرته چې به ان شآء الله د آئين او قانون له مخې پرېكړه شوې۔
وزیراعظم نواز شریف ووئيل د پاکستاني اولس مننه كووم چا چې په سړكونو احتجاج رد كړې ٬ د تشكر ورځ لمانځونكو له ډېره وړاندې د تشكر ورځ لمانځل پكار ٶه ۔ده ووئيل په سپريم كورټ كښې اګر چې دا دې پټيشن اورېدو قانون شكوك او شبهات شته خو ما خپلو وكيلانو ته په معامله د بحث او د پوښتنو نه منع كړې دي او ورته مې وئيلي دي چې پټيشن دې منظور كړې شي او تورونه لګوٶنكي به وشرميږي۔
ده ووېيل په كال 2014 كښې د كمېسون د پرېكړو نه پس هم ھغوي شرمنده شوې ٶ٬ ھغوي د قام 126 ورځې ضائع كړې او د معاشي زيان نه پس ئي كله هم د شرمندګۍ احساس نه دې لرلې ۔ وزیراعظم ووئيل د كال 2014 نه پس د كنټونمنټ بورډ٬ لوكل باډيز ٬ ګلګت بلتستان او آزاد جمو كشمير كښې په ټاكنو كښې مو د لوي څښتن په مننه كاميابي ترلاسه كړې۔ وزیراعظم محمد نواز شریف د هېواد د معاشي وضعې ذکر كولو سره ووئيل په څو ورځو كښې د آئي اېم اېف مېنجنګ ډائرېكټر او د ايشين ډويپلمنټ بانك صدر پاكستان ته راځي ھغوي د پاكستان د معاشي او اقتصادي پرمختګ ستائنه كړې ۔
ده ووئيل آئي اېم اېف سره زمونږ پروګرام الحمداﷲ ختم شوے۔ وزيراعظم محمد نواز شريف ووئيل د پاكستان په تاريخ كښې په وړومبي ځل مونږ مېكرو اكنامك اصلاحاتو پروګرام ترسره كړې۔ ده ووئيل مونږ له نوره خواري كول دي او د قام ستونزې هوارول او معاشي ښوالي له شپه او ورځ كار كول دي۔كابينې په لائن آف كنټرول د ډزو په نتيجه كښې د شهيدو شويو كسانو وراثانو لپاره د مالي زيان ازالې لپاره د مرستې پیكج اعلان كړو۔
كابينې د انټرنېشنل چائلډ ابډكشن پھ اړه د 25 اكتوبر 1980 كنونشن په حقله خپله پريكړه وځنډوله۔كابينې تر اطلاعات رسنې بل 2016 په حقله قانوني مقدمو ترسره كولو٬شخصي او سركاري سكولونو كښې د قرآن پاك د تعليم بل٬د تنازعاتو متبادل حل 2016 ٬د پاكستان موسمي بدلون ايكټ 2016 ٬ د كارپورېټ بحالۍ بل 2016 ٬د ډرافټ كمپنيز بل 2016 او د 31 اكتوبر 2016 د كابينې د اقتصادي رابطه كمېټۍ د غونډې د پريكړو منظوري وركړه۔
وزيراعظم تېر كال دسمبر كښې په پېرس كښې د ماحولياتي بدلون غونډه كښې پخپله ګډون كړې ؤ۔كابينې د پاكستان او جمهوريه چك ترمينځه دفاعي مرستې په حقله د مفاهم يادښت ترمخه د ځوابت د لاس ليك منظوري وركړه۔كابينې د پاكستان او برازيل ترمينځه د فني مرستې د لوظ نامې او د پیښور۔كراچۍ موټروے او قراقرم هائي وے فيز ټو پروژې په اړه د حكومتونو ترمينځه د فريم ورك په لوظ نامه د لاس ليك منظوري هم وركړه۔
كابينې د آسيائي انفراسټركچر انويسټمنټ بانك د لوظ نامې آرټيكلز جاج هم واخست او د سټېټ بانك آف پاكستان او د بېلجيئم نېشنل بانك ترمينځه د خبرو اترو پېل كولو منظوري يې وركړه۔كابينې د سټېټ بانك آف پاكستان او د فلپائن سنټر بانك ترمينځه د مفاهم په يادښت د لاس ليك او د پاكستان او جمهوريه كوريا ترمينځه د لوظ نامې په لړ كښې د خبرو اترو پېل كولو منظوري هم وركړه او د پاكستان او سري لنكا ترمينځه يوت ډوېلپمنټ له د مفاهم په يادښت لاس ليك كولو له د خبرو پیل كولو منظوري وركړه۔
وفاقي كابينې د پاكستان و بېلاروس ترمينځه د فوډ سېكورټي ٬ويټرنري٬سينټري فيلډ٬پلانټ د ريسرچ او فائيټو سنيټري اقداماتو منظوري او د پاكستان او اومان ترمينځه د لېبر او مين پاور ټريننګ په لړ كښې د مرستې د مفاهم په يادښت د لاس ليك منظوري هم وركړه۔كابينې د پاكستان او كويت ترمينځه د پاكستان پروپېشنلز پبلك سېكټر د لارې ريكروټمنټ لپاره د مفاهم د يادښت مسودې په حقله د خبرو پیل كولو منظوري او د پاك۔ چائنه فري ټرېډ ايګريمنټ ترمخه د پاكستان او چين د كسټم انتظامې ترمينځه د اليكټرانك ډېټا تبادلې جاج هم واخستلې شو۔كابينې د ټېكس په چارو كښې د شريك انتظامي معاونت سره د ګڼ اړخيزه كنوشن توثيق هم وكړو۔
