تېره مياشت بلوچستان كښې د سلامتيا په صورتحال كښې بهتري راغلې٬ پنجاب٬ خېبرپښتونخوا او اسلام آباد كښې د ترهګره يوه يوه پېښه رامخې ته شوې۔ د پكس راپور

تېره مياشت بلوچستان كښې د سلامتيا په صورتحال كښې بهتري راغلې٬ پنجاب٬ خېبرپښتونخوا او اسلام آباد كښې د ترهګره يوه يوه پېښه رامخې ته شوې۔ د پكس راپور

اسلام آباد (پاکستان پوائنٹ نیوز 04 دسمبر 2018ء) د رياست په ضد په وسلو هلو ځلو نظر ساتونكې خپلواكه ادارې تهنك ټېنك پاكستان انسټي ټيوټ فار كانفلكټ اېنډ سكيورټي سټډيز( پكس) خپل مياشتني راپور جاري كولو سره وئيلي دي چې په بلوچستان كښې د سلامتيا وضعه زياته بهتره شوې او پنجاب٬ خېبرپښتونخوا او اسلام آباد كښې د ترهګره يوه يوه پېښه رامخې ته شوې۔

راپور له مخې نومبر كال 2018 كښې پاكستان كښې د ترهګرۍ په كاروائيو كښې د مرګ ژوبلې كچه زياته شوې خو د ترهګرۍ د كاروائيو شمېره كښې معمولي كمې راغلې په نومبر كښې د ترهګرۍ د پېښو شمېرو كښې 14 فيصده كمې رېكارډ كړې شوې٬ په اكتوبر كال 2018 كښې 24 او په نومبر كښې 21 پېښې رېكارډ كړې شوې دي خو د كمو شمېرو باوجود د دې اثرات د اكتوبر په مقابله كښې زيات تباه كن ٶ٬ چې پكښې مرګونه 49 فيصد او د ژوبل شويو شمېره 33 فيصده زياته ده۔

د پکس راپور له مخې نومبر كښې د ترهګرۍ په پېښو كښې 63 كسان مړه او 73 ژوبل شوي او يو څو د هائي پروفائل كاروائۍ هم رېكارډ كړې شوې دي چې پكښې په كراچۍ كښې د چين په قونصلېټ ترسره شوې بريد هم شامل دې د كوم ذمه واري چې بلوچ لبرېشن آرمي قبوله كړې او دغسې په اوركزئۍ كښې د فرقه وارانه نوعيت د بريد ذمه واري داعش پغاړه اخستې٬ د دې خبرې قوي شواهد رامخې ته شوې دي چې د چين په قونصليټ بريد كښې د هند په سرپرستۍ كښې د سي پېك د مخالف قوتونو لاس ٶ او دې مقصد لپاره افغانستان استعمال كړې شوې او د داعش د بريد شواهد هم افغانستان پلو اشاره كوي۔

پکس خپل راپور كښې وړاندې ليكي چې نومبر كښې د ټولو نه زيات بريدونه او ځاني زيان په فاټا كښې شوې چرته چې په 13 پېښو كښې 49 كسان مړه او 50 ژوبل شوي٬ د بلوچستان د سلامتیا صورتحال ډېر ښه شوې او هلته يوازې درې پېښې رېكارډ كړې شوې دي چې پكښې 4 كسان مره او 13 ژوبل شوې دي٬ سندھ كښې په دوه پېښو كښې 9 كسان مړه او ژوبل شوې ديَ