اسلام آباد(پاکستان نیوز پوائنٹ 19ستمبر 2016ء) وزيراعظم محمد نواز شريف د ملګرو ملتونو د عمومي اسمبلۍ 71مې غونډه كښې ګډون لپاره نيويارك ته رسېدلې دے ۔د وزيراعظم هاٶس لخوا د جاري شوي بيان له مخې په درېم ځل د وزيراعظم چوكۍ سنبهالولو نه پس محمد نواز شريف عمومي اسمبلۍ ته په څلورم ځل خطاب كوي۔ نيويارك كښې به وزيراعظم د ستمبر په 21مه نيټه كال 2016 كښې د ملګرو ملتونو عمومي اسمبلۍ ته خپله وېنا كښې په ګڼ شمېر مهمو نړيوالو چارو د پاكستان دريځ وړاندې كوي۔
وزيراعظم به د تېر كال پشان دا ځل هم د كشمير كشالې ته خاص پاملرنه كوي۔وزيراعظم به د كشميري زلمي برهان واني د ماروائے عدالت وژنې نه پس شخړيز كشمير كښې د بنيادي بشري حقونو خلاف ورزيو پلو د نړيوالو مشرانو پام ګرځوي۔ بيان كښې وئيلي شوې وزيراعظم به د مقبوضه كشمير كشالې هوارولو په حاجت هم ټېنګار كوي۔ وزيراعظم به نړيوالې ورورولۍ او ملګرو ملتونو څخه غوښتنه كوي چې د جمو كشمير اولس سره د خپلواكۍ حق لپاره شوي لوظونه دې تر سره كړې شي د كومو لوظ چې ملګرو ملتونو د سلامتي كونسل په قراردادونو كښې كړے ٶ۔
وزيراعظم به خپله وېنا كښې د سيمه ايز او نړيوال امن او استحكام لپاره د پاكستان په هلو ځلو هم رڼا اچوي۔د نيويارك دورې په مهال به وزيراعظم نړيوال مشران د خوندي ٬ مستحكم او په معاشي توګه د پرمختګ كوٶنكي پاكستان نه هم خبروي۔بيان كښې وئيلې شوې دې سره سره به وزيراعظم د قامي٬ سيمه ايز امن او استحكام ٬ تند خوښۍ او د ترهه ګرۍ خاتمې لپاره د وسله والو ځواكونو ٬ قانون نافذ كوٶنكو ادارو ٬ د پوليس اهلكارو پشمول د اولس په لويو قربانيو هم رڼا اچوي۔
د ملګرو ملتونو عمومي اسمبلۍ كښې د ګډون سره سره به وزيراعظم د برتانيې ٬ جاپان٬ نيوزي لېنډ٬ خپل همڅنګو٬ د تركيې اولس مشر د ملګرو ملتونو عمومي سېكتر بان كي مون او د امريكې خارجه وزير جان كېري سره هم ملاقاتونه كوي۔ په دې موقع به وزراعظم د سعودي ولي عهد نائب وزيراعظم ٬د نيپال او رومانيه وزيراعظمانو پشمول ګڼ شمېر نړيوالو مشرانو سره ملاقاتونه كوي۔ وزيراعظم به د پاك چين اقتصادي لارې منصوبې پحقله د پاكستان او چين د سفارتي هلو ځلو نه هم نړيوال مشران خبروي۔ وزيراعظم نواز شريف به عمومي اسمبلۍ ته خپله وېنا كښې د كډوالو په نړيواله مسئله د پاكستان د دريج سپيناوې او دې سره سره به وزيراعظم د يو اېس پاكسان بزنس كونسل تر سېوري لاندې دستورې ته هم وېنا كوي۔
