اسلام آباد(پاکستان نیوز پوائنٹ 16ستمبر 2016ء) وزیراعظم محمد نواز شریف به په مقبوضه كشمير كښې د هندي پوځ لخوا د بشري حقونو پرله پسې خلاف ورزۍ رامخې ته كولو لپاره (نن) د خالي په ورځ ملګرو ملتونو ته ځي۔ وزیراعظم محمد نواز شریف به په نړيواله ورورلۍ او په ملګرو ملتونو زور رواړي چې ھغوي د ملګرو ملتونو د سلامتي كونسل د قراردادونو له مخې د مقبوضه كشمير اولس د خپلواكۍ د حق خپل لوظ ترسره كړي۔
د خارجه دفتر لخوا د جمعې په ورځ د جاري شوي بيان له مخې وزیراعظم به د ستمبر په 19مه نيټه د ملګرو ملتونو د عمومي اسمبلۍ په 71مه غونډه كښې د پاكستاني پلاوي مشري كوي۔ وزیراعظم به په مقبوضه کشمیر كښې د هندي ځواكونو لخوا د بشري حقونو په تندۍ سره خرابېدونكې وضعه او ظلمونه رامخې ته كوي۔ وزيراعظم به د ستمبر په 21مه نيټه د عمومي اسمبلۍ په غونډه كښې د امن ٬ سلامتيا او پرمختګ نه علاوه په مهمو نړيوالو چارو د پاكستان دريځ ٬ كردار او په خدماتو رڼا اچولو سره د حکومت وژن او ترجیحات رامخې ته كوي۔
د عمومي اسمبلۍ كلنه غونډه د خاص اهميت وړ ده ولې چې دې كښې حكومتي او رياستي مشران په لويه شمېره ګډون كوي۔ وزیراعظم نواز شریف به خپله وېنا كښې په مقبوضه کشمیر كښې د هندي ځواكونو لخوا د بشري حقونو په تندۍ سره خرابېدونكې وضعه او ظلمونه رامخې ته كولو سره سره د نړيوالې ورورلۍ څخه د ملګرو ملتونو سلامتي كونسل د قراردادونو له مخې د مقبوضه كشمير اولس د خپلواكۍ د حق پحقله د خپل لوظ پوره كولو او په ھغې د عملدرآمد غوښتنه كوي۔
د خارجه دفتر وياند له مخې وزیراعظم به د ستمبر په 19مه نيټه غونډه كښې د كډوالو او وطن پرېښودونكو په لويه كچه د تګ راتګ مسئلې په اړه د عمومي اسمبلۍ د اعلٰې كچ غونډه او د ستمبر په 20مه نيټه د كډوالو پحقله د باراك اوباما لخوا د مشرانو په رابللې شوې غونډه كښې هم ګډون كوي۔ د دې موقعې نه ګټه پورته كولو سره به وزيراعظم د پاكستان كډوالو په اړه د وركړې شوې بې كچه قربانۍ او مرسته رامخې ته كوي او نړيوالې ورورولۍ څخه به د افغان كډوالو په رضا كارانه او عزت سره په ستنېدو كښې په مرسته ټېنګار كوي۔
د عمومي اسمبلۍ په موقع به وزیراعظم نواز شریف د ملګرو ملتونو د عمومي سېكتر بان کي مون پشمول ګڼ شمېر نړيوالو مشرانو او د ميډيا ټاكل شويو غړو سره هم ملاقاتونه كوي۔ د غونډې په مهال به د او آئي سي٬ جي-77 ٬ اېكو ٬ سارك ٬ دولت مشتركه ٬ د ډي اېټ پشمول ځنې سيمه ايزو او ذيلي سيمه ايز تنظيمونو د وزارتي كچې په غونډو كښې هم ګډون كوي۔ وياند ووئيل په دې موقع به د مقبوضه كشمېر پحقله د او آئي سي رابطه ګروپ غونډه هم كېږي ۔
وياند زياته كړه چې پاکستان نړيوال امن، سلامتیا او پرمختګ لپاره ګڼ اړخيزه چېلنجونه قابو كولو په غرض شريكو هڅو ته دوه وركولو لپاره تر ټولو لوي علمبردار دے ۔ وياند زياته كړه چې پاكستان به خپلو مفاداتو ته تحفظ او وده وركولو سره په مهمو چارو غوندې لكه د كشمير كشاله٬ د سلامتي كونسل اصلاحاتو ٬ د ترهه ګرۍ مخنيوي٬ د بشري حقونو٬ د امن او نورو چارو كښې د ملګرو ملتونو ملګرتيا دوام داره ساتي۔
