هري پور (پاکستان نیوزپوائنٹ20جنوری2018ء) د پخواني وزيراعظم محمد نواز شريف لور مريم نواز وئېلي دي چې په ضمني ټاكنو كښې اولس سازشونه ناكامۍ سره مخ كړي او د اول نه زيات ووټونه يې نواز شريف له وركړي۔په لاهور كښې د اپوزيشن ټول بټالين له اولس شكست وركړې۔پارلمان ته كنځلې كوونكي پخپله هم د پارلمان برخه دي۔زه نن هري پور ته نه خپل كور ته راغلې يم۔
د هري پور خلك د نواز شريف سره او نواز شريف د هري پور د اولس سره مينه لري۔دې د خالي په ورځ هري پور كښې اولسي غونډې ته خطاب كولو۔مريم نواز شريف ووئيل په اقامه او پانامه سياست كوونكي نن په جلسو كښې د خالي پاتې كرسو ته ژړا كوي۔د نواز شريف مخالفين په ټاكنو كښې د ټګۍ ډنډورې كوي خو په راروانو ټول ټاكنو كښې مخالفين د ټګۍ چغې سورې نه شي وهلې ځكه چې خالي كرسۍ چا له ووټ نه شي وركولې۔
دې ووئيل په ضمني ټاكنو كښې د مسلم ليګ(ن)كانديد په اكثريت سره كاميابۍ دا ثابته كړې چې اولس د نواز شريف د نااهلۍ پريكړه نه ده تسليم كړې۔دې ووئيل نواز شريف چې كله د برېښنا او موټروے پروژې لګولې نو مخالفينو د كنټينر څخه كنځلې كولې۔مريم نواز شريف په هندكو ژبه كښې خپله وېنا پېل كړه۔دې ووئيل زه نن هري پور ته نه خپل كور ته راغلې يم۔د هري پور اولس په ضمني ټاكنو كښې بابر نواز له د يو نيم لكو نه زياتې رائے وركولو سره ثابته كړې چې د هري پور اولس د نواز شريف سره بې كچه مينه لري۔
