د منصوبه بندې او پرمختګ وزارت د روغتيا اسانيې ښه كولو لپاره 2 اربه 10 كروړه روپې فنډ جاري كړے

اسلام آباد(پاکستان نیوزپوائنٹ15نومبر2017ء) د منصوبه بندې او پرمختګ وزارت د سركاري څانګې د پرمختيائي پروګرام له مخې د روغتيا اسانيې ښه كولو لپاره 2 اربه 10 كروړه روپې فنډ جاري كړے۔ وفاقي حكومت د روان مالي كال په مهال د دې ډويژن پرمختيائي چارو لپاره په مجموعي توګه 48 اربه 70 كروړه روپې فنډ بېل كړے۔ د پلاننګ كميسون لخوا جاري شويو شمېرو له مخې حكومت د وزيراعظم د نېشنل هېلتھـ كارډ پروګرام لپاره 60 كروړه روپې٬ په اېن آئي اېچ كښې د واكسين اپ ګرېډشن او سپلائي لپاره 93 لكه روپې٬ اي پي آئي پروګرام لپاره يو ارب 24 كروړه 65 لكه روپې او كامن يونټ لپاره د يو كروړ 13 لكه روپو پشمول بېلا بېلو پرمختيائي پروژو لپاره فنډ جاري كړے۔