اسلام آباد(پاکستان نیوزپوائنٹ14نومبر2017ء) حکومت واضحه كړې چې په ختم نبوتۖ عقیدہ لرل زمونږ د ايمان برخه ده٬ او په دې هېڅ ډول سودا نه شي كېدې ، د ختم نبوت پحقله په انتخابي قانون 2017 كښې په حلف نامه كښې د غلطي لرې كولو نه پس بخپل اصل حالت بحال كړې شوې٬ د اسلام آباد او پېنډۍ وګړٶ٬ زده كوٶنكو ٬ رنځورانو او ملازمانو پشمول په لكهونو كسان فېض آباد كښې د دهرنې له امله ستونزو سره مخ دي٬ دا سلسله نوره نه شو زغملې٬ په آخري ځل به دهرنا كوٶنكو سره خبرې كوٶ٬ د دې نه پس به د قانون او آئين له مخې كاروائي كولې شي٬ حلف نامه كښې د بدلۍ په اړه پخواني وزيراعظم نواز شریف د مسلم ليګ (ن) سينئر لارښودو پشمول كمېټي جوړه كړې كومه چې د دې د هر اړخ جاج اخلي ٬ هيله ده چې راپور ئې په يوه اوونۍ كښې رامخې ته شي۔
د نهې په ورځ په پي آئي ډي كښې د مذهبي چارو وفاقي وزير سردار محمد سردار یوسف، د كورنيو چارو دوهم وزير طلال چوهدري او د كېډ دوهم وزير طارق فضل چوهدري خبري كنفرنس ته ووئيل د لاهور نه تر اسلام آباد دهرنا كوٶنكو ته په لاره كښې خنډان نه وو ولاړ كړې شوې خو ھغوي د لوظ خلافي ورزي وكړه٬ مونږ د اته ورځو راهسې د دهرنې او احتجاج په نامه سړكونه بلاك كوونكو سره د خبرو د لارې د معاملې هواري لپاره ټولې ممكنه هڅې كړې ٬ مونږ هڅه كوٶ چې دا معامله د خبرو د لارې هواره كړې شي۔
وفاقي وزير ووئيل په ختم نبوتۖ عقیدہ لرل زمونږ د ايمان برخه ده٬ په دې هېڅ ډول سودا نه شي كېدې ، د ختم نبوت پحقله په انتخابي قانون 2017 په حلف نامه كښې غلطي لرې كولو سره پخپل اصل حالت بحال كړې شوې٬ په آخري ځل به دهرنا كوٶنكو سره خبرې كوٶ د مذهبي چارو وفاقي وزير سردار محمد یوسف ووئيل پاکستان كښې 97 فیصده مسلمانان اوسېږي٬ مسلمانان په ختم نبوتۖ كلك ايمان لري٬ دې كښې هېڅ ډول دوه خبرې نه شي كېدې٬ د 73 په آئين كښې د ختم نبوتۖ عقيدې په اړه واضح قانون شته٬ په ختم نبوتۖ يو وزارت نه په زرګونو وزارتونه قربانېدې شي٬ كه څوك په دې كښې شك لري نو را دې شي او خبرې ترې دې وكړې٬ د ختم نبوتۖ تنظيم بيخي غېر سياسي دے٬ پلاوې مو مطمئن كړې ٶ٬ د قرآن اوحدېث سره د تصادم د هېڅ يو قانون جوړولو سوچ هم نه شو كولې۔
د كورنيو چارو دوهم وزير طلال چوهدري ووئيل د دهرنې او احتجادج له امله د تېرو 8 ورځو راهسې سړك بند دے او د دهرنې او احتجاج په نامه ډېرې كاروائے او ډېرې هڅې شوې دي٬ حكومت هڅه كړې چې دا معامله د مذاكراتو د لارې هواره شوي۔
