اسلام آباد (پاکستان نیوزپوائنٹ 3مئ2017ء) د مسلم ليګ ﴿ن﴾ لارښود دانيال عزيز وئيلي دي چې عمران خان سياسي پوائنټ سكورنګ لپاره د احتساب نعره لګوي٬ هغه د ټاكنو كميسون او اعلٰي عدالتونو ته د ثبوت وركولو په ځائ د پټېدو هڅه كوي٬ مونږ به هغه عدالت ته راولو۔ د سترې محكمې په خوا كښې خبريالانو سره په خبرو كښې ده ووئيل چې كله د پانامه پېپر كېس په ستره محكمه كښې د ورځې په بنياد اورېدنه كېده٬ هغه وخت به عمران خان وئيل چې كه غلطي نه وي نو د يرې ضرورت نشته۔
كه غلا ئې نه وي كړې نو تلاشي دې وركړي۔ ده ووئيل چې نواز شريف د خپل ځان پشمول خپل درې نسلونه احتساب لپاره وړاندې كړل خو نن عمران خان او جهانګير ترين د ټاكنو كميسون٬ هائي كورټ او سترې محكمې لخوا د غوښتل شوي ثبوت وركولو په ځائ د پټېدو هڅه كوي۔ دانيال عزيز ووئيل چې عمران خان په خېبر پښتونخوا كښې په 90 ورځو كښې دننه د احتسان نعره لګولې وه٬ نن څلور كاله تېر شول خو په صوبه كښې د احتساب نوم و نشان نشته۔ ده ووئيل چې مسلم ليګ يواځنې ګوند دے كوم چې احتساب كولې شي۔ ده ووئيل چې عمران خان او جهانګير ترين ته به په خپل ګريوان كښې كتل وي چې دوي اولس په كوم خوا بوځي۔
