اسلام آباد (پاکستان نیوز پوائنٹ 05 اگست 2016ء) وزيراعظم محمد نواز شريف وئيلي دي چې حكومت د قومي پرمختګ او خوشحالې په سياست باور لري٬ مونږ په ټول هېواد كښې د خپل پرمختيائي پروګرام عملي كولو پوخ عزم لرو۔ ده دا خبرې د پورټ او شپنګ وزير او د نېشنل ګوند صدر مير حاصل خان بزنجو سره په وزيراعظم هاؤس كښې د خبرو په مهال وكړې۔ وزيراعظم ووئيل چې د حكومت په پالېسو د اولس باور زمونږ قوت دے چې په سبب ئې هغه د كاركردګې څرګندونه كوي۔
ده ووئيل چې د پاكستان اولس د قومي معيشت په ټولو څانګو او مجموعي صورتحال كښې مثبت بدلون لېدلې۔ مير حاصل خان بزنجو وزيراعظم د خپل وزارت د بېلا بېلو چارو په اړه خبر كړو۔ ده ووئيل چې د يو سياسي ګوند او په صوبه كښې د اولس د نمائنده كېدو په حېث مونږ په جمهوري توګه د ټاكل شوي وفاقي حكومت بشپړه ملاتړ كوو.
