امریکا جان والیاں کولوں سوشل میڈیا پاس ورڈ وی پُچھن اُتے غور

واشنگٹن(پاکستان پوائنٹ نیوز08۔فروری2017ء) پابندی والے 7مسلمان ملکاں توں امریکا جان والے لوکاں کولوں سوشل میڈیا پاس ورڈ وی پُچھن اُتے غور کیتا جا رہیا اے۔ اقدام دا مقصد پُن چھان دے عمل نوں ہور سخت بنانا اے پر اجے ایس حوالے نال حتمی فیصلا نہیں کیتا گیا۔امریکی ہوم لینڈ سکیورٹی دے وزیر جان کیلی دا کہنا اے کہ دنیا بھر وچ امریکی سفارت خانے ویزا لین والے بندیاں تے اوہناں دے سوشل میڈیا پاس ورڈ بارے سوال کر سکدے نیں۔