لاہور(پاکستان پوائنٹ نیوز06۔فروری2017ء) امریکی صدر ڈونلڈ ٹرمپ نے غیر ملکی ملازماں لئی ایچ ون بی ویزے اُتے نظرثانی دا حکم جاری کر دِتا، حکم دے نتیجے وچ بھارت دے آئی ٹی شعبے لئی امریکا وچ نوکریاں خطرے وچ پے گئیاں نیں۔ میڈیا رپورٹس دے مطابق امریکی صدر ڈونلڈ ٹرمپ نے اک تقریب نال خطاب کردے ہوئے آکھیا کہ امریکا دی نویں سرے توں اُساری امریکیاں ہتھوں کراں گے۔
جہدے لئی اسیں صرف امریکیاں نوں ترجیح دیاں گے۔ اوہناں دا کہنا سی کہ امریکا وچ صرف کُجھ نوکریاں غیر ملکیاں لئی رکھیاںجان گیاں۔ امریکی صدر نے بھارت نوں وی نہ بخشدے ہوئے انڈین ٹیکنیکل انڈسٹری نوں ڈاڈھی تنقید دا نشانا بنایا۔ ٹرمپ دے ایچ ون بی ویزا دے اعلان مگروں بھارت دے آئی ٹی شعبے لئی امریکا وچ نوکریاں خطرے وچ پے گئیاں نیں۔ اوہناں نے آکھیا کہ امریکی فرمز گھٹو گھٹ غیر ملکیاں نوں نوکریاں دین۔ بھارتی میڈیا دے مطابق 2016وچ امریکا لئی 2لکھ 36ہزار بھارتی نوجواناں نے درخاستاں دِتیاں نیں۔ یاد رہوے کہ ڈونلڈ ٹرمپ نے امریکی سکیورٹی انتظامیا نوں ہدایت کیتی اے کہ 90دِناں اندر غیر ملکیاں لئی ایچ ون بی ویزے سنے سارے ورکنگ ویزیاں اُتے نظرثانی رپورٹ پیش کیتی جائے۔
