امریکی صدر ڈونلڈ ٹرمپ دا آسٹریلوی وزیر اعظم نال ٹیلی فونک رابطہ

واشنگٹن(پاکستان پوائنٹ نیوز02۔فروری2017َء) امریکی صدر ڈونلڈ ٹرمپ نے آسٹریلوی وزیر اعظم نال ٹیلی فونک رابطہ کر کے مہاجراں بارے سمجھوتے اُتے خفگی دا اظہار کیتا اے۔ تفصیل دے مطابق امریکی صدر ڈونلڈ ٹرمپ نے آسٹریلوی وزیر اعظم میلکوم ٹرن بل نال ٹیلی فونک رابطے دوران پناہ گزیناں دے تبادلے بارے سمجھوتے اُتے خفگی دا اظہار کیتا۔ وسیلیاں نے دسیا کہ آسٹریلوی وزیر اعظم نوں ایس گل اُتے مجبور کیتا گیا کہ اوہ امریکی صدر ولوں خفگی دا وکھالا تے تنقید کرن دی خبر نوں رَد کر دین۔ رپورٹس دے مطابق امریکی صدر ڈونلڈ ٹرمپ نے ٹیلی فونک رابطے وچ جزیریاں وچ موجود پناہ گزیناں نوں پناہ دین بارے اوباما انتظامیا نال ہوئے سمجھوتے اُتے خفگی دا اظہار کردے ہوئے اک گھنٹے تک جاری رہن والی فون کال نوں صرف 25منٹ بعد ای ختم کر دِتا۔ ایس کال دا دورا نیہ ہور مکاں دے سربراہواں نال کیتی گئی فون کالز توں کیتے گھٹ سی۔ آسٹریلوی حکام نے ایس فون کال دا دورانیہ گھٹ ہون دی تصدیق کردے ہوئے دسیا کہ فون کال متوقع دورانیہ توں پہلے ای بند کر دِتی گئی سی پر آسٹریلوی وزیر اعظم نے ٹرمپ دے فون بند کرن دیاں خبراں نوں رَد کر دِتا اے۔ میلبرن ریڈیو سٹیشن نال گل بات کردے ہوئے اوہناں نے آکھیا کہ کال خش اخلاقی نال بند کیتی گئی، ایس توں وکھ میں کُجھ نہیں کہنا۔ آسٹریلوی وزیر اعظم دا خیال سی کہ ٹرمپ اوباما انتظامیا نال ہوئے ایس سمجھوتے دا احترام کراں گے پر امید دے خلاف ٹرمپ نے ایس سمجھوتے نوں بدترین قرار دے دِتا۔ ٹرمپ دا کہنا سی کہ انج کرن نال اوہناں دا سیاست دا قتل ہو جائے گا جدکہ اوہناں نے آسٹریلیا نوں بوسٹن وچ مبینہ بمبار گھلن دا ذمے وار وی ٹھہرایا۔