ڈونلڈ ٹرمپ ولوں سفری پابندی،:ایران نے امریکی ڈالرزنہ ورتن دا فیصلا کر لیا

تہران(پاکستان پوائنٹ نیوز01۔فروری2017ء) نویں چُنے گئے امریکی صدر ڈونلڈ ٹرمپ نے مسلم اکثریت والے 7ملکاں اُتے امریکا وڑن اُتے پابندی لا دِتی اے۔ ایس پابندی نوں مُکھ رکھدے ہوئے ایران نے امریکی ڈالرزنہ ورتن دا فیصلا کر لیا اے۔ تفصیل دے مطابق امریکا ولوں جہڑے ست ملکاں اُتے سفری پابندی لائی گئی اے اوہناں وچ ایران وی شامل اے جہدے مگروں مالیاتی رپورٹنگ وچ ایران امریکی ڈالرز دی ورتوں نہ کرن دا فیصلا کیتا اے۔ مقامی نیوز ایجنسی پریس ٹی وی دے مطابق ایران دے مرکزی بنک نے اپنیاں فارن ایکسچینج تے کرنسی ایکسچینج رپورٹس وچ امریکی ڈالر دی تھاں کسے ہور غیر ملکی کرنسی نوں لیان اُتے غور شروع کر دِتا اے۔ گورنر ولی اللہ سیف دا کہنا اے کہ 21مارچ 2017توں شروع ہون والے مالی سال وچ ایس تبدیلی نوں لاگو کیتا جائے گا۔ اوہناں دا کہنا سی کہ ایس تبدیلی اُتے غور ڈونلڈ ٹرمپ ولوں ایران، عراق، شام، لیبیا، صومالیہ، سوڈان تے یمن اُتے عارضی سفری پابندی لان مگروں کیتا جا رہیا اے۔