واشنگٹن(پاکستان پوائنٹ نیوز28۔جنوری2017ء) امریکی خفیہ ادارے سی آئی اے دیاں دستاویزات توں پتا لگا اے کہ سابق وزیر اعظم ذوالفقار علی بھٹو شہید دی پھانسی لئی اوس ویلے دے صدر جنرل ضیاءالحق اُتے ملٹری اسٹیبلشمنٹ دا ڈاڈھا دباءسی۔ میڈیا رپورٹ دے مطابق امریکا دی انٹیلی جنس ایجنسی سی آئی اے ولوں اپنی ویب سائٹ ریڈنگ روم دے ڈیٹا بیس لئی جاری کیتی گئی اک ڈی کلاسیفائڈ دستاویز وچوں اک اے۔
ایس توں پہلے ڈی کلاسیفائیڈ دستاویزات صرف کالج پارک میری لینڈ وچ واقع نیشنل آرکائیوز وچ دستیاب سن، اکتوبر 1978وچ نیشنل ایجنسی ڈیلی کیبل دے ناں توں جاری سی آئی اے دی اک کیبل اوس ویلے دے پاکستانی صدر جنرل ضیاءالحق اُتے ملٹری اسٹیبلشمنٹ دے دباءبارے مواد اُتے مشتمل اے۔ کیبل دے مواد توں پتا چلدا اے کہ کیبل اُنج ویکھن وچ امریکی حکومتی عہدیداراں تک معلومات پہنچان دے حوالے نال لکھی گئی، جہدے وچ پاکستان، شام، عراق لبنان تے برازیل دے حالات داجائزا لِتا گیا اے۔
