امریکا: نماز دا وقفہ نہ دین اُتے کمپنی خلاف درخاست دائر

واشنگٹن(پاکستان پوائنٹ نیوز27۔جنوری2017ء) امریکا وچ نماز دا وقفہ نہ دین اُتے کمپنی خلاف آزادی کھون دا الزام لایا گیا اے۔ الزام جے ایف دے ائر پورٹ اُتے سہولت دین والی کمپنی دے مسلمان ملازماں نے لایا، ایہ کمپنی جان ایف کینیڈی ائر پورٹ اُتے مسافراں نوں وہیل چیئر دی سہولت دیندی اے۔ کمپنی خلاف درجناں مسلمان ملازماں نے انسانی حقاں دے کمیشن وچ درخاست دائر کر دِتی، درخاست وچ موقف اختیار کیتا گیا اے کہ کمپنی نماز دا وقفہ نہیں دیندی جو انسانی حقاں دی خلاف ورزی اے۔ یاد رہوے کہ مذہبی فرق ثابت ہون اُتے کمپنی نوں ڈھائی لکھ ڈالر جرمانا ہو سکدا اے۔