واشنگٹن(پاکستان پوائنٹ نیوز21۔جنوری2017ء) امریکی مسلمان ڈونلڈ ٹرمپ دے چار سالہ دور صدارت نوں اوہناں دے اسلام مخالف رویے پاروں اپنے لئی وڈا چیلنج سمجھ رہے نیں۔ برطانوی اخبار نے امریکا وچ رہن والے مسلماناں دی رائے اُتے مشتمل رپورٹ چھاپی، رپورت وچ پُچھیا گیا کہ اوہ ٹرمپ دے دور نوں کیویں ویکھدے نیں۔ رپورٹ وچ اکثریت نے رائے دِتی کہ نویں امریکی صدر دا اسلام مخالف رویہ اک وڈا چیلنج ہووے گا، مسلماناں خلاف نفرت نال بھرے واقعات وچ وادھا ہو سکدا اے پر مثبت پہلو امریکا وچ پائی جان والی مذہبی آزادی اے جو اوہناں نوں تحفظ دیوے گی۔
کئی لوکاں دی رائے سی کہ امریکا وچ رہن والے لوکاں لئی اوہناں دے معاشی مفادات اہم نیں ، جے معیشت دی صورتحال وچ بہتری آﺅندی اے تے ایہ ساریاں لئی چنگا ہووے گا۔
