مکہ(پاکستان پوائنٹ نیوز20۔جنوری2017ء) مکہ توں عمرہ کرن دے بعد مدینہ منورہ آن والے عمرہ زائرین دی منی بس نوں حادثا پیش آ گیا۔ تفصیل دے مطابق سارے عمرہ زائرین دا تعلق برطانیا توں دسیا جا رہیا اے۔ ایہناں بندیاں وچوں چار دا تعلق مانچسٹر جدکہ دو گلاسکو توں نیں۔ سارے عمرہ زائرین مکہ توںمدینہ منورہ آ رہے سن۔ ہلاک ہون والیاں وچ دو مہینے دا بال وی شامل اے۔
یاد رہوے کہ منی بس وچ 12بندے سوار سن۔ مدینہ منورہ توں 90کلو میٹر پہلے بس دا ٹائر پھٹ گیا۔ جہدے نتیجے وچ بس کنٹرول توں باہر ہو گئی تے خوفناک حادثا ہو گیا۔ سعودی ہیلتھ ڈیپارٹمنٹ دے ترجمان دا کہنا اے کہ زخمیاں دی بہتر ویکھ بھال کیتی جا رہی اے۔ برطانوی سفارت خانے دے وسیلیاں دا کہنا اے کہ اوہناں نوں حادثے دی اطلاع ملی اے تے ہلاک ہون والے بندیاں دیاں میتاں واپس لیان لئی کوششاں کیتیاں جا رہیاں نیں۔
