بھارت: سکول بس حادثے دا شکار،24بال ہلاک

حادثے وی وجہ اجے تک پتا نہیں لگ سکی، وزیر اعظم دا ہلاک ہون والے بالاں دے وارثاں نال ہِرکھ دا وکھالا

بھارت: سکول بس حادثے دا شکار،24بال ہلاک
حادثے وی وجہ اجے تک پتا نہیں لگ سکی، وزیر اعظم دا ہلاک ہون والے بالاں دے وارثاں نال ہِرکھ دا وکھالا

نویں دِلی(پاکستان پوائنٹ نیوز20۔جنوری2017ء) شمالی بھارت وچ اک سکول بس دے حادثے وچ 24بال ہلاک ہو گئے، حادثے وچ بس دا ڈرائیور وی ہلاک ہو گیا، وزیر اعظم نریندر مودی نے ہلاک ہون والے بالاں دے وارثاں نال ہِرکھ دا وکھالا کیتا۔ غیر ملکی خبر رساں ادارے دے مطابق ریاست اتر پردیش دے پولیس افسر جاوید احمد نے میڈیا نوں دسیا کہ حادثا بس تے ٹرک وچکار ٹکر پاروں ہویا۔ اوہناں نے ہور دسیا کہ حادثے وچ اک درجن توں ودھ بال زخمی نیں، بس وچ سوار زیادا تر بالاں دیاں عمراں 3توں 12سال دے وچکار سن۔ حادثے وچ بس دا ڈرائیور وی ہلاک ہو گیا۔ وزیر اعظم نریندر مودی نے ہلاک ہون والے بالاں دے وارثاں نال ہرکھ دا وکھالا کیتا۔ دوجے پاسے حادثے دی وجہ نہیں پتا لگ سکی۔