انقرہ(پاکستان پوائنٹ نیوز18۔جنوری2017ء) ترک میڈیا نے آکھیا اے کہ استنبول دے نائٹ کلب اُتے حملا کرن والا ملزم ترکی آن توں پہلے کئی دوجے ملکاں وچ وی رہندا رہیا جتھے اوہنے عسکری تربیت حاصل کرن دے نال نال ہور سرگرمیاں وچ وی حصہ لیا۔ میڈیا رپورٹ دے مطابق عبدالقادر مشر بوف افغانستان وچ دو ورھے رہیا جتھے اوہنے عسکری تربیت حاصل کیتی۔ ذکر کیتے گئے بندے نے کُجھ چِر پاکستان وچ لنگھایا، پاکستان دے بعدہ اوہ ایران گیا جتھے ایرانی پولیس نے اوہنوں گرفتار کیتا پر اوتھوں اوہ فرار ہون وچ کامیا ب ہو گیا۔
ترکی آن دے بعد 16دسمبر نوں اوہ قونیہ توں استنبول گیا۔ پہلی جنوری دی رات اوہنے استنبول دے رینا ہوٹل وچ اک نائٹ کلب اندر تقریب دوران فائرنگ کر کے 40دے نیڑے بندیاں نوں ہلاک کیتا تے غائب ہو گیا۔ ایس دوران ترک پولیس نے اوہدا پِچھا نہ چھڈیا تے آخیر اوہدا کھوج لا کے اوہنوں 16جنوری نوں استنبول توں گرفتار کر لیا۔
