جدہ: سنگدل پیو دی قید توں آزاد ہون والی بالڑی ماں کول اَپڑ گئی

جدہ(پاکستان پوائنٹ نیوز16۔جنوری2017ء) پچھلے دِنا سعودی عرب وچ پیو ولوں9مہینیاں دی بالڑی اُتے تشدد دی ویڈیو وائرل ہوئی۔بالڑی دے پیو دی گرفتاری مگروں اوہدی متعلقا شامی بیوی نوں نِکی بالڑی نال ملایا گیا ،ایس موقعے اُتے بڑا دُکھ بھریا منظر ویکھن وچ آیا۔ بالڑی نوں کئی مہینیاں بعد گودی وچ چُکدے ای ماں دیاں اکھاں چوں اتھرو نکل آئے۔ متاثرا ماں نے سوشل میڈیا ورتیندڑاں تے مکہ دے گورنر دا شکریا ادا کیتا جہناں دی وجہ توں اج اوہدی دھی اوہدی گودی وچ سی۔ وزارت داخلا دے اہلکاراں دا کہنا اے کہ اوہ بالڑی دے کاغذات تیار کر رہے آں جدکہ متاثرا سوانی نوں قانونی مدد دِتی جا رہی اے۔ بالڑی نوں تشدد دا نشانا بنان والے پیو نوں گرفتار کر کے تحقیقات شروع کر دِتیاں گئیاں نیں۔