سرینگر(پاکستان پوائنٹ نیوز14۔جنوری2017ء) سعودی حکومتی نے بھارت لئی حج کوٹے وچ ساڈھے 35ہزار دا وادھا کر دِتا۔ تفصیل دے مطابق سابق وزیر اعلا تے صدر نیشنل کانفرنس ڈاکٹر فاروق عبداللہ نے سعودی عرب ولوں بھارت دے حج کوٹے وچ وادھا کرن اُتے سعودی حکومت دے حج و عمرہ دے وزیر ڈاکٹر محمد بن صالح طاہر دا شکریا ادا کردے ہوئے آکھیا اے کہ حج کوٹے وچ 35ہزار عازمین دا وادھا چنگی گل اے۔
پچھلے دیہاڑے اک بیان وچ اوہناں نے آکھیاکہ وادھو کوٹے نال ہندوستان خاص کر ریاست جمعوں و کشمیر دے مسلماناں نوں بہت خشی ہوئی اے، جو پچھلے کئی ورھیاں توں حج لئی فارم بھردے سن پر قرعا اندازی وچ اوہناںد ا ناں نہیں نکلدا سی۔ اوہناں نے آکھیا کہ حاجیاں دے کوٹے وچ وادھے پاروں چالو ورھے انشاءاللہ ایس طرحاں دے سارے خاہمشند حج کر سکن گے جو کئی ورھیاں توں کوٹے وچ کمی پاروں حج کرن توں محروم رہے۔