ترکی تے ایران دا دہشت گردی خلاف سانجھیاں کوششاں دا اشارا

ترکی تے ایران دا دہشت گردی خلاف سانجھیاں کوششاں دا اشارا

تہران(پاکستان پوائنٹ نیوز14۔جنوری2017ء) ایران نے انسداد دہشت گردی وچ ترکی نوں حصہ داری دی اپیل کیتی اے۔ ایرانی صدر حسن روحانی نے صدر رجب طیب اردوان نال ٹیلی فون اُتے گل بات کیتی۔ تفصیل دے مطابق ایرانی ایوان صدر ولوں جاری اعلامیے مطابق دوویں رہنماواں دی گل بات دوران خطے دی تازا صورتحال اُتے وی غور کیتا گیا۔ شام وچ فائر بندی دے قیام اُتے خشی دا وکھالا کرن والے روحانی دا کہنا سی کہ کوئی شک نہیں کہ اسیں انقرہ، ماسکو تے تہران وچکار قریبی تعلق خطے وچ امن و استحکام لئی اہمیت جوگ نیں۔

قزاقستان دے دارالحکومت آستانہ وچ منعقد ہون والے شام دے حوالے نال مذاکرات دا ذکر کردے ہوئے روحانی دا کہنا سی کہ علاقے دیاں ساریاں دہشت گرد تنظیماں ساڈیاں سانجھیاں دشمن نیں، اسیں اوہناں دیاں کوششاں نوں نشانا بنانا چاہندے آں۔ دوجے پاسے ترکی دے صدر نے وی ایس دوران گل بات کردے ہوئے سابق صدر ہاشمی رفنجانی دے فوت ہون اُتے ہِرکھ دا وکھالا کیتا تے آکھیا کہ مرحوم نے ترکی تے ایران وچکار تعلقات نوں بہترکرن وچ اہم کردار ادا کیتا سی۔