تیج بہادر ویڈیو دے وائرل ہون دے بعد توں لاپتا اے:بیوی تیج بہادر

نویں دِلی(پاکستان پوائنٹ نیوز11۔جنوری2017ء) بھارتی فوج دے اہلکار تیج بہادر نے فوجی اہلکاراں نوں دِتے جان والے غیر معیاری کھانے دی ویڈیو بنا کے سوشل میڈیا اُتے اپ لوڈ کیتی جہدے بعد اوہ ویڈیو ویکھدے ای ویکھدے وائرل ہو گئی۔ 29ویں بٹالین دے اہلکار تیج بہادر دا پچھلے دیہاڑے سرحد توں ہیڈ کوارٹر تبادلا کر دِتا گیا پر ہن تیج بہادر دی بیوی نے بیان دِتا اے کہ تیج بہادر دی ویڈیو وائرل ہون دے بعد توں ای تیج بہادر لاپتا نیں۔ فیس بک اُتے اپنی پوسٹ وچ تیج بہادر دی بیوی دا کہنا سی کہ میں پچھلی رات توں تیج بہادر نال گل نہیں کیتی۔ سانوں کوئی پتا نہیں اے کہ تیج کتھے اے تے اوہ کیہ کر رہیا اے؟