ریاض(پاکستان پوائنٹ نیوز09۔جنوری2017ء) سعودی عرب دی قیادت وچ عرب اتحاد دی فورسز نے یمن وچ باب المنداب دے شمال وچ حوثی ملیشیا دے چلائے ہوئے دو بیلسٹک میزائلاں نوں ناکارا بنا دِتا۔ غیر ملکی میڈیا دے مطابق عرب اتحاد ولوں ایہ کارروائی اوس ویلے ساہمنے آئی اے جدوں تزویراتی اہمیت دی آبی گذر گاہ باب المنداب دے نیڑے تن محاذاں اُتے یمنی فورسز تے حوثیاں وچکار لڑائی جاری اے۔
اتحادی فورسز نے پچھلے دیہاڑے اپنے فضائی حملیاں وچ دارالحکومت صنعا وچ حوثی ملیشیا نوں پنج تھائیں نشانا بنایا تے اوہناں دے کیمپاں، بھرتی مرکزاں تے اجتماعواں اُتے بمباری کیتی، ایس دوران حوثی ملیشیا تے اوہناں دے اتحادی سابق صدر علی عبداللہ وچکار کشیدگی دیاں خبراں وی ساہمنے آ رہیاں نیں۔ ایہناں دوویں گروپاں نے صنعا وچ اپنے طور اُتے قومی حکومت قائم کیتی ہوئی اے پر اوہدے مگروں وی ایہناں وچکار اختلافات پائے جاند ے نیں۔
