بنگلور(پاکستان پوائنٹ نیوز07۔جنوری2017ء) بھارتی ریاست کرناٹکا دے شہر بنگلور وچ اوباش نوجواناں نے برقعہ پوش مسلمان کُڑی نوں جنسی ہرساں کرن دے بعد زبان وڈھ دِتی تے فرار ہو گئے، کُڑی نوں خطرناک حالت وچ ہسپتال منتقل کر دِتا گیا ۔ بھارتی میڈیا دے مطابق بنگلور وچ اوباش بھارتی نوجواناں نے برقعہ پوش مسلمان کُڑی نوں روکیا تے جنسی حراساں کیتا پر مزاحمت تے رولا پان اُتے ظالماں نے کُڑی دی زبان وڈھ دِتی تے فرار ہو گئے۔
متاثرا کُڑی بس سٹاپ ول جا رہی سی کہ مُنڈیاں دے اک گروہ نے اوہنوں روکیا تے جنسی تشدد کرن دے بعد سڑک اُتے سُٹ کے فرار ہو گئے۔ ایس دوران کُڑی دے رولا پان اُتے اوہناں نے اوہدی زبان وڈھ دِتی۔ پولیس دا کہنا اے کہ ملزماں دی تلاش جاری اے پر اجے تیکر کسے نوجوان بارے پتا نہیں لگیا پر کُڑی نوں خطرناک حالت وچ ہسپتال منتقل کر دِتا گیا اے۔
