جدہ: ابوسن دی مقدمے دے بعد پہلی وار دوبارا 20منٹ دی ویڈیو سوشل میڈیا اُتے چھاگئی

جدہ: ابوسن دی مقدمے دے بعد پہلی وار دوبارا 20منٹ دی ویڈیو سوشل میڈیا اُتے چھاگئی

جدہ(پاکستان پوائنٹ نیوز05۔جنوری2017ء) سعودی عرب دے نوجوان سوشل میڈیا سٹار ’ابوسن‘ نوں 21ورھیاں دی امریکی کُڑی نال آن لائن گل بات کرن دی وجہ توں مقدمے دا ساہمنا کرنا پیا، پر ابوسن زیادا دیر تیکر سوشل میڈیا توں دور نہ رہ سکیا۔ پچھلے دیہاڑے ابوسن تے اوہدی امریکی دوست دی 20منٹ دی نویں ویڈیو ساہمنے آ گئی اے۔ ابوسن دی نویں ویڈیو یوٹیوب سنے ’یوناﺅ‘ نامی ویب سائٹ اُتے اپلوڈ ہوئی۔ یاد رہوے کہ ابوسن نوں اعلا حکام ولوں وارننگ وی جاری کیتی گئی سی۔ کئی سعودی شہریاں نے اوہدے ایس کم اُتے اعتراض وی کیتا سی پر ایس وار ابوسن تے اوہدی امریکی دوست کرسٹینا دی گل بات کیتے زیادا اخلاقی رہی۔ ابوسن نے سبھ توں پہلے کرسٹینا نوں اپنے وال کَجھن دا آکھیا جوکہ سعودی روایتاں دا حصہ اے۔ ابوسن نے آکھیا کہ کُھلے والاں نال گل بات کرن وچ اوہنوں اوکڑاں پیش آ سکدیاں نیں۔ کرسٹینا نے اپنے دوست نوں اینے مہینیاں بعد آن لائن ویکھ کے جی آیاں وی آکھیا۔ کرسٹینا دا کہنا سی کہ اوہنوں ابوسن اُتے ناز اے۔ ابوسن دا کہنا سی کہ اوہ انگریزی سِکھنا چاہندا اے تاں جے اوہنوں کرسٹینا نال گل بات کرن وچ آسا نی رہوے تے کوئی غلط گل وی مونہوں نہ نکلے۔ یاد رہوے کہ ابوسن سوشل میڈیا اُتے کرسٹینا نال ہس ہس کے گلاں کرن دی ویڈیو پاروں مشہور ہویا سی۔ ہن تُسیں وی ایہ اوہدی نویں ویڈیو ویکھو!