بوسنیا(پاکستان پوائنٹ نیوز22۔دسمبر2016ء) وزیر اعظم میاں نواز شریف نے نے پیپلز پارٹی دے شریک چیئرمین آصف علی زرداری دی ملک واپسی بارے آکھیا اے کہ میں سچی مُچی آصف زرداری دے ملک واپس آن اُتے خش آں۔ اوہناں نے آکھیا کہ مینوں خشی اے کہ زرداری صاحب واپس آ رہے نیں۔ وزیر اعظم نواز شریف دا کہنا سی کہ میں رواداری اُتے یقین رکھنا واںتے ایہ رواداری چلنی چاہیدی۔
اوہناں دا کہنا سی کہ زرداری صاحب دی ملک واپسی اُتے اپنی پارٹی دے معاملات اپنے ہتھ وچ رکھن گے تے آصف زرداری سنے پیپلز پارٹی نال چنگے تعلقات نوں قائم رکھنا چاہنا واں۔ بوسنیا وچ پرچا کاراں نال گل بات کردے ہوئے وزیر اعظم نواز شریف نے ابیٹ آ باد کمیشن دی رپورٹ بارے آکھیا کہ ایبٹ آباد کمیشن دی رپورٹ دے معاملے دا آپ جائزا لواں گا کیوں کہ جے کوئی کمیشن بندا اے تے اوہدی رپورٹ وی ساہمنے آنی چاہیدی۔
وزیر اعظم میاں نواز شریف نے آکھیا کہ بوسنیا نال خاص تعلقات 1990توں نیں، میں 1990وچ وزیر اعظم تے حیثیت تے بعد وچ اپوزیشن لیڈر دے طور اُتے بوسنیا آیا سی۔ اوہناں نے آکھیا کہ بیلا روس دے صدر وی میرے چنگے دوست نیں، بیلا روس نے نیو کلیئر سپلائر گروپ بارے پاکستان دی حمایت کیتی۔ اوہناں نے آکھیا کہ ساریاں نوں چاہیدا کہ اپنے فرض دے مطابق ذمے واریاں نبھان ، انج کرن نال پاکستان ہور چنگا پرفارم کر سکدا اے۔
پرچاکاراں نال گل بات وچ اوہناں نے آکھیا کہ ملک دی ترقی وچ میڈیا چنگا کردار ادا کر سکدا اے۔ میڈیا اُتے ریٹنگ دا دباءہوندا اے، کجھ چینلز بہت چنگا کم کر رہے نیں، میڈیا اپنے رول نوں ہور بہتر بنائے۔ وزیر اعظم نے آکھیا کہ سارے اقتدار دی مدت ڈیڈھ سال بعد پوری ہو ررہی اے تے ایہ دور الحمد اللہ چنگا لنگھیا اے۔ اوہناں نے آکھیا کہ لنگھیا ہویا دور چنگا لنگھ سکدا سی۔ اوہناں دا کہنا سی کہ اسیں اپنے دور وچ ہتھ اُتے ہتھ رکھی نہیں بیٹھے رہے بلکہ ساڈی حکومت حکومت نے کم کیتا اے، اسیں ملک دے سارے شعبیاں وچ تبدیلیاں لیا رہے اں، پچھلی حکومت دے دور اُتے تنقید کردے ہوئے نواز شریف نے آکھیا کہ اوہناں نے ملک نوں کیہ دِتا؟ اوہناں دے دور وچ ملک نوں لوڈشیڈنگ تے دہشت گردی دی لعنت ملی اے۔
