برطانیا(پاکستان پوائنٹ نیوز19۔دسمبر2016ء) برطانوی ویب سائٹ دے مطابق برطانوی ٹرانسپورٹ ڈیپارٹمنٹ نے ملک وچ ودھدے ہوئے حادثیاں نوں روکن لئی ڈرائیونگ دوران موبائل فون دے سگنل جام کرن دی نویں ٹیکنالوجی اُتے غور شروع کر دِتا اے۔ ویب سائٹ دے مطابق برطانوی ٹرانسپورٹ ڈیپارٹمنٹ ایس طرحاں دی ٹیکنالوجی اُتے غور کر رہیا اے جو چلدی ہوئی گڈی وچ موجود ڈرائیور دے موبائل سگنل آٹومیٹک جام کر دیوے گی جہدے بعد ڈرائیور کسے نوں فون کریاں سُن نہیں سکے گا، ٹیکنالوجی دی مدد نال ایس ایم ایس تے ای میل سسٹم وی بند کر دِتا جائے گا تاں جے ڈرائیونگ دوران، ڈرائیور اپنی توجہ گڈی چلان ول رکھے۔
برطانوی ٹرانسپورٹ ڈیپارٹمنٹ نے ایس ٹیکنالوجی لئی ملک وچ موجود موبائل بنان والیاں کمپنیاں تے سیلولر کمپنیاں نال گل بات شروع کر دتی اے۔
