ریاض(پاکستان پوائنٹ نیوز01۔دسمبر2016ء) سعودی عرب دے مفتی اعظم شیخ عبدالعزیز الشیخ نے دھیاں نوں میڈیکل دی تعلیم دوان تے نوکری دی اجازت دین والے ماں پیو دی مذمت کرن والے اک سعودی مبلغ نوں ڈاڈھی تنقید دا نشانا بنایا اے۔ عرب ابلاغ وسیلیاں دے مطابق سعید بن فروا نامی سعودی مبلغ نے اپنے اک بیان وچ آکھیا سی کہ اِنج کرن والے ماں پیو مرد وزن دے اختلاط دی وجہ بن رہے نیں۔
سعودی عرب دے سِر کڈھویں مفتی نے اپنے ہفتہ وار انٹرویو وچ آکھیا کہ فروا دا بیان تے خیالات ڈاڈھے خطرناک نیں، ایہ خطرناک بیان مذمت جوگ اے۔ اوہناں نے آکھیا کہ ڈاکٹری تعلیم دین والےاں ساڈیاں یونیورسٹیاں محفوظ نیں، جتھے پڑھیار تے پڑھیارناں وکھ وکھ تعلیم حاصل کردیاں نیں، ہر جنس دے پڑھیار دو مختلف لیکچر ہالز وچ تعلیم حاصل کردے نیں۔ یاد رہوے کہ سعودی عرب وچ سعید بن فروا نوں امام مسجد تے مبلغ دے عہدے توں وکھ کرن دا مطالبا وی شدت پھڑ رہیا اے۔
