بھارت(پاکستان پوائنٹ نیوز29۔نومبر۔2016ء) بھارت وچ اک معمولی ٹیکسی ڈرائیور کُجھ چِر وچ ای ارب پتی بن گیا۔ تفصیل دے مطابق بلوندر سنگھ جو کہ پیشے دے اعتبار نال ٹیکسی ڈرائیور اے کُجھ چِر وچ ای ارب پتی بن گیا۔ بلوندر نوں جویں ای پتا چلیا کہ چار نومبر نوں سٹیٹ بنک آف پٹیالا وچ موجود اوہدے اکاﺅنٹ وچ 9ہزار 806کروڑ رُپئے ٹرانسفر کیتے گئے نیں تے بلوندر بہت حیران ہو گیا۔
اینی وڈی رقم کسے وی امیر خاندان لئی وی اک معنی خیز اے تے بلوندر تے فیر اک ٹیکسی ڈرائیور سی پر بلوندر دی ایہ خشی زیادا دیر تیک نہ رہ سکی کیوں جے اگلے ای دیہاڑے ایہ رقم بلوندر دے اکاﺅنٹ توں واپس کڈھ لئی گئی سی۔ بلوندر دا کہنا سی کہ میں بنک دے کئی چکر لائے پر کسے نے میری اک نہ سُنی۔ 7نومبر نوں اوہناں نے میری بک وی اپنے کول رکھ کے مینوں اک نویں پاس بک دے دِتی۔ بلوندر نے دسیا کہ اوہدے اکاﺅنٹ وچ لگ بھگ تن ہزار سن۔ برانچ منیجر روند کمار نے ایس حوالے نال کوئی وی معلومات دین توں پرہیز کردے ہوئے آکھیا کہ انکم ٹیکس وچ ایس بارے تحقیقات جاری نیں۔
