تہران(پاکستان پوائنٹ نیوز24۔نومبر۔2016ء) ایران دے سپریم لیڈر آیت اللہ علی خامنہ ای نے امریکا ولوں ایٹمی سمجھوتے دیاں خلاف ورزیاں اُتے امریکا ولوں تہران اُتے 10ورھیاں تیک پابندیاں لان دے فیصلے اُتے ڈاڈھی خفگی دا وکھالا کردے ہوئے آکھیا اے کہ امریکا نے دوبارا ایران اُتے پابندیاں لا کے انتقام نوں دعوت دِتی اے۔ ایرانی میڈیا دے طابق خامنہ ای دی آفیشل ویب سائٹ اُتے پوسٹ وچ آکھیا گیا اے کہ امریکا خلاف سخت انتقامی کارروائی دی دھمکی آیت اللہ علی خامنہ نے سکیورٹی فورسز دے اہلکاراں دے اک گروپ نال ملاقات دے دوران دِتی۔
آیت اللہ علی خامنہ دا کہنا سی کہ امریکی انتظامیا آپ ایران نال کیتے سمجھوتے دیاں خلاف ورزیاں کر رہی اے جدکہ اوہدی سبھ توں وڈی خلاف ورزی ایران اُتے ہور 10ورھیاں لئی پابندی لانا اے اوہناں دا کہنا سی کہ جے امریکی انتظامیا ایران خلاف ہور پابندیاں لائے گی تے فیر ایہنوں تہران تے مغرب وچکار ہوئے ایٹمی سمجھوتیاں دیاں سنگین خلاف ورزیاں سمجھا جائے گا۔ اوہناں نے خبردار کیتا کہ امریکا نوں پتا ہونا چاہیدا کہ اوہ ایران ولوں انتقامی کارروائی توں بچ نہیں سکے گا۔
