واشنگٹن(پاکستان پوائنٹ نیوز14۔نومبر۔2016ء) نویں چنے گئے امریکی صدر ڈونلڈ ٹرمپ دی جت دے بعد امریکا وچ نفرتاں ودھن لگیاں، ٹریفک دی خلاف ورزی اُتے جرمانے دی بجائے پولیس اہلکار نے پاکستانی نژاد ڈرائیور نوں دھمکی دِتی کہ میں تیرے کولوں ساریاں شیواںکھوہ لوواں گا، پاکستانی نژاد شہری سی این این دے پرچار ڈیوڈ گریگوری دا ڈرائیور اے، جو واقعے ویلے کار وچ پچھلی سیٹ اُتے موجود سی، اوہناں نے ایہ جملا سُنیا وی تے بعد وچ دسیا کہ پولیس افسر نے ڈرائیور نوں ایہ وی دھمکی دِتی کہ میں تیرا سِر وی لاہ دیاں گا۔
ایس واقعے نوں انٹرنیٹ اُتے شیئر کیتے جان دے بعد پولیس حکام تے میئر نے امریکی پرچا کار نال رابطا کیتا تے پاکستانی ڈرائیور نال ملاقات کیتی تے آکھیا کہ پولیس اہلکار دی شناخت لئی تفتیش شروع کر دِتی گئی اے۔
