نیویارک(پاکستان پوائنٹ نیوز14۔نومبر۔2016ء) امریکا دے نویں چُنے گئے صدر ڈونلڈ ٹرمپ نے لوکائی نوں مسلماناں نوں حراساںکرن توں روک دِتا اے۔ تفصیل دے مطابق امریکی ٹی وی چینل اُتے مسلماناں خلاف نفرت انگیز بیاناں تے ردعمل بارے پُچھے گئے اک سوال دے جواب وچ ڈونلڈ ٹرمپ دا کہنا سی کہ انج دیاں سُن کے بہت دُھکی آں۔ اوہناں نے آکھیا کہ میرے آکھن نال کوئی فرق پیندا اے تے میں ایس طرحاں دے لوکاں نوں آکھاں گا کہ اوہ مسلماناں نوں حراساں کرنا بند کر دین کیوں جے مینوں ایس ملک نوں اکٹھیاں کرنا اے۔
ڈونلڈ ٹرمپ نے آکھیا کہ معاشرے دے کجھ میرے توں ڈرے ہوئے نیں میں اوہناں نوں ایہو آکھاں گا کہ اوہ ڈرن نہ کیوں جے اجے اوہ مینوں نہیں جاندے۔ ٹرمپ دا کہنا سی کہ ایتھے لوکاں دے دوہرے معیار نیں۔ لوک باہر احتجاج کر رہے نیں تے جے ہیلری الیکشن جِت جاندی تے میری حامی باہر نکل کے احتجاج کردے تے اوہنوں نوں ڈاڈھی تنقید دا نشانا بنایا جانا سی۔
