بحرین(پاکستان پوائنٹ نیوز12۔نومبر۔2016ء) پچھلے دیہاڑے گیارہ منامہ دے ہسپتال وچ گیارھاں ورھیاں دی کُڑی نے مبینا طور اُتے اک بالڑی نوں جنم دِتا اے۔ تفصیل دے مطابق گیارھاں ورھیاں دی کُڑی نوں دو بندے تے اک سوانی ہسپتال لے کے آئے سن۔ ہسپتال انتظامیا نے کُڑی نوں ہسپتال وچ داخل کرن توں پہلے پولیس حکام نوں اطلاع دِتی سی۔ ہسپتال انتظامیا دا کہنا اے کہ دو بندے تے اک سوانی نے ایہنوں ہسپتال وچ داخل کروان دی کوشش کیتی پر اسیں اوہناں نوں منع کر دِتا جدکہ کُڑی دے والد دا وی پتا نہیں لگ سکیا۔
ہسپتال انتظامیا دا کہنا اے کہ ایس کُڑی نوں ہسپتال لیان والے شکلوں مصری لگدے سن، مقامی اخبار نے جدوں وزارت صحت دے اعلا عہدیدار توں ایس حوالے نال پُچھیا تے اوہناں نے کسے وی قسم دی گل نہیں کیتی تے نہ ای ایس کیس بارے کوئی کہنا مناسب سمجھیا۔
