امریکا وچ ڈونلڈ ٹرمپ دی جِت دے اک دن بعد ای نسلی تعصب دے واقعات وچ وادھا

’ہن ملک چھڈن دا ویلا آ گیا اے‘امریکی مُنڈیاں دی بھارتی نژاد امریکی شہری نوں ٹِچکر

امریکا وچ ڈونلڈ ٹرمپ دی جِت دے اک دن بعد ای نسلی تعصب دے واقعات وچ وادھا
’ہن ملک چھڈن دا ویلا آ گیا اے‘امریکی مُنڈیاں دی بھارتی نژاد امریکی شہری نوں ٹِچکر

لاہور(پاکستان پوائنٹ نیوز10۔نومبر۔2016ئ) ڈونلڈ ٹرمپ دے امریکی صدارتی الیکشن جتن دے بعد ای ہندوستانیاں نال کیتے جان والے سلوک دا ردعمل ساہمنے آنا شروع ہو گیا اے۔ اجے کل ای ڈونلڈ ٹرمپ نے امریکی انتخابات وچ تواریخی اپ سیٹ کیتا تے ہیلری کلنٹن نوں ہرا کے امریکا دے 45ویں صدر منتخب ہو گئے نیں۔ ہر کسے دی ڈونلڈ ٹرمپ بارے رائے سی کہ کیہ دنیا ڈونلڈ ٹرمپ نوں بطور امریکی صدر پسند کرے گی کیوں کہ اوہ تے مسلماناں، افریقی امریکیاں تے ہور اقلیتاں خلاف اے۔

پر ہُن ڈونلڈ ٹرمپ دے صدارتی الیکشن جِتدے نال ای امریکا وچ نسل پرستی تے فساداں دے واقعیاں نے جنم لینا شروع کر دِتا اے۔ ایہناں واقعیاں وچ مار کُٹ تے غندا گردی شامل اے۔ ایس طرحاں دا اک واقعا بھارتی نژاد امریکی شہری نانک راتھی نال وی پیش آیا۔ مانک اک ڈیزائر اے تے گوگل وچ ملازم اے۔ مانک نے ٹویٹر اُتے اپنے ٹویٹ وچ دسیا کہ اج سویرے اک گیس سٹیشن اُتے میں کھلوتا تے مُنڈیاں دے اک گروپ نے اُچی آواز آکھیا ’ہن ملک چھڈن دا ویلا آ گیا اے‘ ۔ مانک نے ٹرمپ دی فتح توں متاثرا ہون والیاں نوں اپنے ٹویٹ دے ذریعے پیغام دِتا کہ اوہ ایتھے کیہ محسوس کر رہے نیں تے نسل پرستی نویں کیویں ہوا دِتی جا رہی اے۔