بھارتی فورسز نے حریت رہنما یسین ملک نوں فیر گرفتار کر لیا

سرینگر(پاکستان پوائنٹ نیوز10۔نومبر۔2016ء) بھارتی فورسز نے حریت رہنما یسین ملک نوں اک وار فیر گرفتار کر لیا اے۔ کشمیری میڈیا دے مطابق حریت رہنما یسین ملک نوں بھارتی فورسز نے 4مہینے حراست وچ رکھن دے بعد 29اکتوبر نوں چھڈ دِتا سی۔ یسین ملک برہان وانی دی شہادت دے بعد توں ای جیل وچ سی جدکہ اوہناں دی جیل وچ طبیعت خراب ہون پاروں اوہناں نوں رہا کر دِتا گیا سی پر ہن بھارتی فورسز نے اک وار فیر اوہناں نوں گرفتار کر لیا اے۔کشمیری میڈیا دے مطابق حریت رہنماواں نے کل مقبوضا کشمیر وچ استقلال دیہاڑ منان دا اعلان کیتا ہویا اے۔ حریت رہنماواں دی اپیل اُتے کل لال چوک تیک مارچ کیتا جانا سی۔