نیویارک(پاکستان پوائنٹ نیوز10۔نومبر۔2016ء) ڈونلڈ ٹرمپ دی جِت اُتے امریکی شہری صدمے دی حالت توں باہر نہ آسکے، مختلف ریاستاں وچ ڈونلڈ ٹرمپ خلاف احتجاج دا سلسلا جاری ، احتجاج وچ ٹرمپ خلاف نعرے لائے گئے، پولیس نے ٹرمپ ٹاور دے باہر رکاوٹاں کھڑیاں کر دِتیاں۔ دوجے پاسے امریکی مسلمان رہنماواں نے امید ظاہر کیتی اے کہ ٹرمپ امریکی آئین وچ شہریاں نوں دِتے گئے حقاں دا خیال رکھن گے تے ملک دی ترقی لئی سارے طبقیاں نوں نال لے کے ٹُرن گے۔
غیر ملکی میڈیا دے مطابق امریکا دیاں مختلف ریاستاں وچ ڈونلڈ ٹرمپ خلاف احتجاج جاری اے۔ پولیس نے ٹرمپ ٹاور دے باہر رکاوٹاں کھڑیاں کر دِتیاں جدکہ امریکا دیاں مختلف ریاستاں نیو یارک سٹی، واشنگٹن، مین ہٹن، شکاگو، فلاڈیلفیا، نیو اور لینزا، پورٹ لینڈ تے سیاٹل سنے ہور علاقیاں وچ ڈونلڈ ٹرمپ خلاف لوکائی ولوں احتجاج کیتا جا رہیا اے۔ نیویارک وچ پولیس نے سکیورٹی لئی ٹرمپ ٹاور دے باہر رکاوٹاں کھڑیاں کر دِتیاں نیں۔ ایس توں وکھ مسلمان امریکی رہنماواں نے امید ظاہر کیتی اے کہ ٹرمپ امریکی آئین وچ شہریاں نوں دِتے گئے حقاں دا خیال رکھن گے تے ملک دی ترقی لئی سارے طبقیاں نوں نال لے کے ٹُرن گے۔
