ٹرمپ دی کامیابی: امریکا وچ ہنگامے شروع، لوکائی سڑکاں اُتے نکل آئی

ٹرمپ دی کامیابی: امریکا وچ ہنگامے شروع، لوکائی سڑکاں اُتے نکل آئی

واشنگٹن(پاکستان پوائنٹ نیوز09۔نومبر۔2016ء) امریکی صدارتی انتخابات وچ ڈونلڈ ٹرمپ نے 270توں ودھ الیکٹورل لے کے ہیلری کلنٹن نوں ہرا دِتا اے۔ انتخابات وچ کامیابی اُتے ڈونلڈ ٹرمپ امریکا دے 45ویں صدر چُنے گئے نیں پر اوہناں دی کامیابی دے بعد احتجاج شروع ہو گیا اے۔ ٹرمپ دے صدر چُنے جان اُتے کیتے جان والے خطاب دے بعد توں ای نیویارک تے کیلی فورنیا وچ لوکائی دی وڈی گنتی سڑکاں اُتے احتجاج کر رہی اے جدکہ شکاگو تے نیویارک وچ ٹرمپ بلڈنگز دے باہر وی انتخابات دے نتیجیاں خلاف احتجاج کیتا جا رہیا اے۔

انتخابات دے نتیجے اُتے کیتے جان والے احتجاج دی ویڈیو تے تصویراں سوشل میڈیا اُتے، خاص کر ٹویٹر تے فیس بک اُتے وی شیئر کیتیاں جا رہیاں نیں۔ یاد رہوے کہ امریکی میڈیا تے امریکی لوکائی دا اک وڈا حصہ ہیلری کلنٹن نوں بطور کامیاب امیدوار تے امریکا دی آن والی صدر دے طور اُتے ویکھ رہیا سی پر ٹرمپ دی کامیابی دے بعد ہیلری کلنٹن دے حامیاں وچ مایوسی دی لہر دوڑ گئی اے۔