ٹوکیو(پاکستان پوائنٹ نیوز09۔نومبر۔2016ء) امریکی صدارتی انتخابات وچ اہم ریاستاں وچ ریپبلکن امیدوار ڈونلڈ ٹرمپ دی جِت دے بعد ایشیاءدے کئی حصص بازاراں وچ ڈاڈھی مندی دا رجحان رہیا۔ ٹوکیو سٹاک ایکسچینج وچ 5.5 فیصد تے ہانگ کانگ وچ 2.82فیصد کمی ریکارڈ کیتی گئی۔ ٹوکیو سٹاک مارکیٹ وچ اہم ترین ٹکی 225 انڈیکس 949.36پوائنٹس دی کمی نال 16222.20پوائنٹس دی سطح اُتے آ گیا جدکہ ہانگ کانگ وچ بینگ سینگ انڈیکس 646.73پوائنٹس دی کمی نال 22262.73پوائنٹس ریکارڈ کیتا گیا۔
شنگھائی سٹاک مارکیٹ وچ اہم ترین شنگھائی کمپوزٹ انڈیکس 1.32فیصد کمی نال 3106.23پوائنٹس تے شین زین کمپوزٹ انڈیکس 1.39پوائنٹس دی کمی دے نال 2051.62پوائنٹس ہو گیا۔ سڈنی سٹاک مارکیٹ وچ کاروباری سرگرمیاں دے دوران شیئرز دیاں قیمتاں وچ1.7فیصد، سیﺅل، 1.7فیصد تے سنگاپور وچ 1.4فیصد کمی ریکارڈ کیتی گئی۔ ماہرین دے مطابق حصص بازاراں وچ ڈاڈھی مندی دی وجہ امریکی صدارتی انتخابات وچ ریپبلکن امیدوار ڈونلڈ ٹرمپ دا ہم ریاستاں توں جِت جانا اے۔ یاد رہوے کہ ماہرین نے امریکی صدارتی انتخابات وچ ریپبلکن امیدوار ہیلری کلنٹن دی کامیابی دا امکان ظاہر کیتا سی۔
