14نومبر نوں 70 ورھیاں بعد معمول توں زیادا تے روشن چن نظر آئے گا

14نومبر نوں 70 ورھیاں بعد معمول توں زیادا تے روشن چن نظر آئے گا

نیویارک(پاکستان پوائنٹ نیوز05۔نومبر۔2016ء) دنیا دے کئی ملکاں وچ 14نومبر نوں اک اجیہا چن نظر آوے گا جو معمول توں زیادا وڈا تے روشن ہووے گا۔ میڈیا رپورٹ دے مطابق ’سپر مون‘ اکھوان والا ایہ چن زمین دے بہت نیڑے آ جائے گا تے تقریبن 70ورھیاں بعد زمین تے چن وچکار فاصلا اینا گھٹ ہووے گا۔ خلائی تحقیقات ادارے ناسا دے مطابق سپر مون معمول چن توں 14فیصد زیادا وڈا تے 30فیصد زیادا روشن ہووے گا۔

ناسا دا کہنا اے کہ غیر معمولی طور اُتے اینے خوبصورت چن دا نظارا دوبارا ویکھن لئی تہانوں 25نومبر 2034تیکر انتظار کرنا پئے گا۔ سپر مون دا نظارا برطانیا دے مقامی ویلے دے مطابق 4:45 اُتے کیتا جا سکدا اے۔ سوسائٹی آف پاپولر ایسٹر نومی دے نائب صدر رابن سیگل دا کہنا اے کہ سپر مون کوٹھیاں تے درختاںتوںاُتے بہت وڈا نظر آوے گا۔اوہناں نے آکھیا کہ میں ہمیشہ ایہ ویکھ کے بہت خش ہونا واں کہ لوک دور بین لے کے چن ویکھ رہے نیں۔ جدوں چن زمین توں نیڑے آوے گا تے اوہ 14فیصد زیادا وڈا تے 30فیصد زیادا روشن ہوندا اے۔ سپر مون زمین توں 226000 کلو میٹر دے فافصلے اُتے ہووے گا۔ 2016 وچ تن سپر مون ہون گے۔ چالو ورھے پہلا سپر مون 16اکتوبر 2016وچ ہویا سی جدکہ سال دا آخری سپر مون 14دسمبر نوں ہووے گا۔