مریم نواز تے حسین نواز دے ٹیکس دین بارے ڈوئچے بنک نے تحقیقات شروع کردِتیاں

مریم نواز تے حسین نواز دے ٹیکس دین بارے ڈوئچے بنک نے تحقیقات شروع کردِتیاں

لندن(پاکستان پوائنٹ نیوز05۔نومبر۔2016ء) وزیر اعظم نواز شریف دی دھی مریم نواز تے پُتر حسین نواز دے ٹیکس دین بارے ڈوئچے بنک نے تحقیقات شروع کر دِتیاں نیں۔ تفصیل دے مطابق ڈوئچے بنک نے ایس حوالے نال تحقیقات شروع کر دِتیاں نیں۔ برطانوی اخبار وچ چھپن والی رپورٹ وچ دسیا گیا اے کہ قرضا لندن دے علاقے پارک لین وچ چار فلیٹس گروی رکھ کے لِتا گیا سی۔

2008 وچ مریم نواز تے حسین نواز نے قرضے لئی بنک نال رابطا کیتا سی، فلیٹس گروی رکھ کے اوہناں نوں قرضا دِتا۔ فلیٹس آف شور کمپنیاں دی ملکیت نیں، تن برٹش ورجن آئی لینڈ کمپنیاں نوں قرضے دے حصول لئی ورتیا گیا اے۔ فلیٹس گروی رکھوان دے بعد نواز شریف دے بالاں نوں 7 ملین پاﺅنڈز قرضا دِتا گیا۔ برطانوی اخبار دے مطابق قرضا اودوں لیا گیا جدوں نواز شریف اقتدار وچ نہیں سی۔

برطانوی اخبار نے ہور دسیا کہ مریم نواز نیسکول کمپنی دیاں سول شیئر ہولڈر ثابت ہوئیاں نیں۔ ڈوئچے بنک نے 2013 وچ اپنے نجی کلائنٹس دے آڈٹ دا آغاز کیتا۔ دوجے پاسے بنک ولوں جاری بیان وچ آکھیا گیا اے کہ سانوں معاملے دی اہمیت دا اندازا اے۔ اسیں اپنے کلائنٹس بارے معلومات دی پُن چھان کر رہے آں، بنک دا کہنا سی کہ ویکھیا جا رہیا اے کہ کوئی کلائنٹس ٹیکس چوری وچ تے ملوث نہیں ۔